輪椅選手斥無心推廣殘運

渣馬今年宣傳廣告中，標榜了當中的輪椅賽事，但其實今年10公里輪椅賽已取消。香港傷殘運動員Ajmal Samuel上周坐輪椅途經港鐵站，見到渣打香港馬拉松寫着「一起我們跑更遠」巨型廣告，頓時無明火起：「佢哋竟然喺廣告度加輪椅選手嘅相……但其實已經取消咗。佢哋係濫用緊我哋，利用我哋去提升自己嘅形象。咁樣好錯，我覺得非常、非常失望。」

轟田總取消10公里賽

Samuel如此憤怒，只因當年他用盡辦法爭取，輪椅選手才能參與這個以香港為名的賽事。如今大會竟以參賽人數不足為由，取消10公里輪椅賽，剩下玩票性質的3公里賽事，Samuel狠批主辦的田總對「傷健共容」無心，每年從渣馬獲得數萬元捐款的香港殘奧會，亦未曾努力推廣殘障長跑運動。

現時是香港單人雙槳划艇代表的Samuel，上月得知10公里輪椅賽被取消後，為湊夠人數令比賽不致斷纜，他立刻接觸田總高層，表示願意暫時放低船槳，參加渣馬，「我最驚佢今次取消咗，就會失去繼續落去嘅動力」。但結果田總以沉默拒絕，一直沒回應。

Samuel表示，渣馬輪椅賽參賽人數一年比一年少，實際上大會應負最大責任。渣馬輪椅賽2012年以全馬形式登場，及後賽程越縮越短，Samuel認為，這做法令海外選手主動報名參加的意欲越來越低，「佢哋點會飛咁遠去參與一個20分鐘就跑完嘅比賽？」另一方面，Samuel翻查渣打銀行贊助世界各地的輪椅馬拉松，都會主動邀請世界各地的精英選手參賽，惟獨香港例外，「如果唔夠本地參賽者，就喺海外邀請啦，咁樣先會吸引更多本地人參加，呢個根本唔成藉口」。

Samuel認為，負責推動本地殘疾人運動發展的香港殘奧會亦有不可推卸的責任。殘奧會是渣馬每年主要受惠機構之一，僅2018年，就獲大會捐贈近150萬元，又獲參賽者透過「齊撐殘奧精英」活動籌款超過160萬元，但Samuel批評，殘奧會從未將善款用於舉行或推廣殘障長跑項目，「我搵殘奧會傾過，但佢哋完全冇興趣，我覺得難以理解」。

渣馬主辦單位回應指，若參加人數足以成賽，定會繼續舉辦輪椅賽事，但就承認除了全馬項目外，其他項目都沒邀請海外跑手參加。記者曾聯絡殘奧會要求回應，但至截稿前未回覆。