在我眼下的和黃公園

在黃埔走走，唔少人選擇逛商場，因為近地鐵出口，好方便輪友，但通常人流多，感覺有壓迫感。

而且只選擇留在室內，嘆商場的冷氣，買吓嘢，時間總係過得特別快。仲有商場裹面較嘈，同老朋友傾談變得無心情，所以我特意介紹一個輪友相聚好地方，比大家暢所欲言。

輪友改去來到擁有傳統古式風格的和黃公園，高高矗立的牌坊寫有和黃公園四字，要看見唔難一眼就知到左和黃公園。

建議輪友從正門入口進去，更好轆!和黃公園無障礙設施好齊全，沿路面對小橋流水和古式古香的設計，再喺園區享受青山緑水同風景，寧靜環境心情保持放鬆仲啱埋同班老朋友慢慢轆，相聚聊天，享受談天說地的時光。

我作為90後的年輕一代，或許對和黃公園不以為然，但對於不時出現在和黃公園的婆婆同伯伯來說，這裡確實給予老人家一種親切感，獨有韻味。

正正係咁，和黃公園好適合輪友去架，大家話唔定仲會找到志同道合的朋友呢!今次介紹完左後，希望大家到和黃公園打個卡啦!