當我第一次黎到鳳德公園，已經冒起一個諗法，就係點解依個公園會咁大架!
同我平常走入嘅公園咁唔同嘅?不得不講最先吸引我眼球就係公園嘅外觀，想問點解入口咁大，咁宏偉嘅，心諗輪友實可以好輕鬆咁轆過。雖然喺我未到之前仲未好了解鳳德公園，不過喺我好奇心驅使下，我喺網上搵到話依個公園有長遠的歷史，大約喺1995年耗資左差唔多5,000幾萬蚊興建。當我睇到依個數字果陣，然後再走入去公園，就終於比我知道點解要花費咁多錢去興建喇。當我走入去果時更加令我覺得鳳德公園係幾值得入去睇睇嘅!
睇到公園經過左咁耐，外貌仲可以保留得咁完整，所以我實在好開心今次能夠親眼比我目睹原來喺黃大仙有個充滿特色的公園。再講依個公園係免費哦!有咁多特色主題景點都可以睇到，同埋公園更係以中國文學名著《西遊記》故事而設計的主題公園，園內的設施仲總共分左六個主題區，包括左水簾洞、五指山、火焰山、水晶宮同花果山。
宜家就睇吓我喺鳳德公園睇到咩啦!
眼前正面向鳳德公園的入口
喺入去前，不妨先睇吓指示牌先，因為公園入面真係好大架!
所以睇完先唔怕蕩失路去岩方向。
所以睇完先唔怕蕩失路去岩方向。
好貼心哦!唔單止一個大的入口,仲有個輪椅入口。
再近睇清楚，除左指住輪椅入口的方向，而且仲細心標示通往廁所的方向，原來都好近咋!
見到有一幅好長的壁畫。
喺眼前嘅係水簾洞
喺水簾洞的中間，有段小路相信輪友可以轆過去嘅!
通過左花果山水簾洞後，
就會見到水晶宮
再走近仲會望到齊天大聖爺爺喺噴水池中間入面比水噴緊哦!
跟住眼前見到嘅就係火焰山啦!
然後就係五指山，去到原來真係有五隻手指企直左比你見到架!
再講基本上公園都有遊樂設施
正前方仲有涼亭
之後竟然見到有對公公婆婆坐左喺長凳度促膝談心。
當時我食緊花生，嘻嘻:)
講開又講，當日真係風和日麗，天朗氣清呀!
再喺不遠的地方，發現眼前有洗手間，提供唔同需要，
兩個洗手間位置距離都好近
兩個洗手間位置距離都好近
近睇有暢通易達洗手間同女廁，輪友可以喺公園範圍好方便咁去個廁所。
以上都係我睇到嘅鳳德公園，如果你睇完之後都覺得吸引，咁就記得跟住以上地址入去轆吓啦!