唔知大家會唔會總有一首歌同樣有共鳴，會一邊唱住歌，一邊飲住杯無酒精飲品，一邊食住食物，同一班人享受喺K房啲時光?
唱K文化，好耐以前已經出現。我仲記得喺中學啲時期，仲係穿著校服啲時候，最喜歡連同一班志同道合啲朋友放左學之後，去卡啦OK唱K。那時仲因為有學生優惠，加上價錢都相當吸引啲關係，當時差唔多所有啲中學生放左學就去唱，所以當時啲K房好旺場。
但宜家剛踏入左社會，昔日唱K的美好，好似減退左唔少。宜加好想再重拾番昔日學生時代一班人唱K的情懷呀!
喺最近，終於比我等到一個機會讓我能夠再一次重遊舊地，今次去左觀塘Neway決定要痛痛快快咁唱一次。
不過，依次確係好特別。喺朋友當中，有位輪椅朋友。同埋今次係我同輪椅朋友第一次去唱K，雖然我曾經覺得K房適唔適合輪椅朋友入架，不過佢用好明確啲行動證明左我啲疑慮係多餘左啲。
因為他二話不說已經同另一位友人，連人帶車一齊轆入K房。陪伴著佢啲友人都好細心咁幫佢推到最合適啲位置，令佢喺安全之下過凳。而佢都二話不說，說時遲那時快咁，經已靠自己的身手一口氣瞬間過凳啦!
雖然喺過程中我只係個旁觀者，無從旁協助。但係經過左今次之後，我改變左心態。
今次的事令我更明白輪椅朋友啲行動力雖然無健全人士咁好，但係千祈唔好睇少他們，輪椅朋友照顧自己的能力都不比任何人差，依次正正就有機會令我重新審視番自己對輪椅朋友啲誤解。
講到依度，話時話我地今次入左間大房，正當諗住走入去，已經感覺到陣陣寒意。雖然係咁，但當時我心諗 : 「夏天想要消暑，又找唔到地方落腳啲時候，卡啦OK依個地方，就適合黎啦!至起碼有自己一間房，有冷氣涼，又有好嘢飲嘢食，仲有空間傾計，難怪我地一群年輕人一會諗到黎依度消磨時光!」
而且歡樂的時光總係過得特別快!唱完以後，又回歸到現實。同一大班朋友唱歌的感覺實在輕鬆愉快，希望再有機會，到依到再唱過!