Loading...

檢舉

Free Guider 會盡快跟進你的個案
:

杏花邨的風中奇「緣」

發佈於 一般 @2018年09月22日   |   人氣博客 :   |   0 個留言

呼呼呼!鄰居一句頂住呀,又話出面的樹枝樹葉四處飛,喺屋企望出窗外,外面就好似有個水龍捲,直程係有種喺船上,睇到浪會頭暈的感覺,事關一切都黎得太突然。小姐我即使喺屋企依個安身之所都叫苦連天,心諗慘喇李氏力場都失靈?星期日明明係放假,都唔比小姐我安心咁休息,依個大大的山竹我實在吃不消,放過我啦!

誰知風暴過後的星期一就係上班的大日子,各位上班一族原本就無心情可言,仲要加埋喺放假的日子打左差唔多全日的十號風,整個人都累了,早上再決定落到樓下一看究竟,終於知道甚麼是天災無情。

我落到樓下就看見屋院大堂的門有明顯被破壞的痕跡,玻璃碎滿一地,門框框架都變形,樣子變得好奇怪!我從屋院步出,眼望發現整個杏花邨好似被洗劫一樣,街上的垃圾到處都係,樹木同樹枝都被肢解散落一地,海水不單止佔領左整個遊樂場變成水塘,更將海裹的垃圾帶上來,場面一片混亂,更有居民住所遇上特別情況無水無電,不過總算有水車供應,解決燒眉之急。只於杏花邨的停車場仍然出現浸水,不過自從有過颳風天鴿的經驗後,浸水情況經己改善左好多。

在大家合力清潔的過程入面,亦有人發掘到有趣的事物。比如有居民見到「海膽」,大家都竟然話今次颱風除左有山竹食,上天仲賜左一個新鮮海膽,說要一起分甘同味,大家把這件事當係一則笑話,總算為之後的執拾工作苦中作樂增添樂趣。

屋院大堂的門有明顯被破壞的痕跡,玻璃碎滿一地,門框框架都變形,樣子變得好奇怪!

樹木同樹枝都被肢解散落一地,摧毀程度唔可以看輕,看似健壯的樹木都弱不
風 T T





附近亦佈滿一大片泥水,水漬好明顯,要走過有泥濘的地方時都要小心

再轉移視線望一眼打風後,呈現係另一番景象。

一個個地磚都被吹散,變成眼前一堆亂石,可見「山竹」威力驚人,腦海裹都能想像當時的情景

向下望仲發現有「海膽」,大家都竟然話今次颱風除左有山竹食,上天仲賜多左一個新鮮海膽><

向下望仲發現有「海膽」,大家都竟然話今次颱風除左有山竹食,上天仲賜多左一個新鮮海膽><

停車場出現水浸,大家第一件善後工作就係要「抽水」。

大家做左清道夫,出盡全力打掃,務求將自己社區還原靚靚喲!

無分男女老幼,做好清潔。
家長為子女做個好榜樣,齊齊分工合作
無分男女老幼,做好清潔。
家長為子女做個好榜樣,齊齊分工合作

風球過後,作為香港人見到自己的社區面目全非,內心肯定難受,所以大家都齊心合力還原社區的本來面貌。

我喜愛香港這塊福地,感恩無造成人命傷亡,附近的居民又幫手清潔街道,或許團結就是力量,我感到十分興幸身為一個香港人,雖然天災無情但我在杏花邨卻發現濃濃的愛,一個颱風串連所有人,為大家製造緣份

0 個留言

* 留言條款及細則請參閱《FREE GUIDER 隱私權政策

:
: