最近我喺網上搵到一個我好鍾意既主題，粉紅色，又夢幻既主題，店外好吸引我注意，心心眼喲~
平常日本 café 經常都會聯乘卡通人物推合作，身處香港的我們只得羨慕而已。等了又等，機會終於來到了！向來主打美美又夢幻甜點的 Vive Cake Boutique 公布，與 Sanrio 合作推出期間限定的 My Melody 合作企劃，將中環旗艦店打造成 My Melody Café ，作為粉絲點會唔心動呀!
我這回要瘋狂喇！ 聽聞 Vive Cake Boutique 同 My Melody 有個合作企劃係由今年去到2020年1月31號期間推出，當中包括左 My Melody 為主題既限定下午茶套餐、蛋糕、飲品同禮品包，如果你同我都係忠實粉絲既話，即刻約閨密聚腳係唔錯既選擇~
鍾意食下午茶既女士，可以試呢款「My Melody Tea Party」下午茶套餐，聽說用上 My Melody 招牌既粉紅色作為主色，將佢打造為一個非常有少女心既 tea set！當中仲包括左甜點有「棉花棒棒糖」丶「檸檬吉士醬馬卡龍」丶「牛油曲奇蘋果撻」丶「士多啤梨馬斯卡邦慕斯蛋糕」和「提子英式鬆餅配忌廉果醬」；只於鹹點就包括「煙三文魚鷹嘴豆泥多士」同「明太子意粉」，以最後就配上左印有 My Melody 輪廓既咖啡。
仲有呀下午茶套餐逢星期四至星期日同公眾假期都喺中環皇后大道中既 H Queen’s 旗艦店供應
Vive Cake Boutique 既造型蛋糕向來好受歡迎， 今次亦有打造限定版 「My Melody Uni-cone」，店內招牌既 Uni-cone 蛋糕混合 Melody 元素，效果好可愛，更可以喺7款口味中，挑選一款作為蛋糕既味道，好適合送比朋友作為生日食物~
最後我覺得最貼心既地方係如果想外賣相關 My Melody 既產品，就入手「Over The Rainbow」禮品裝啦 ! 喺特製既 Melody 禮盒內放左兩盒 Vive Cake Boutique 既人氣商品，其中包括左粉色系既蛋白脆餅同 My Melody 造型曲奇餅。有咁精美既紀念品，點可以唔考慮順手將佢入手呢！
鐘意食Cake就約埋朋友嚟中環呢間主題餐廳食件蛋糕啦!
仲考慮什麼呀？即刻拿拿臨約吓同樣係My Melody粉絲既朋友，嚟中環朝聖同My Melody打卡~
Vive Cake Boutique
地址 : 中環皇后大道中80號H Queen’s 1樓3號舖