話說這日天氣開始轉趨炎熱，我同兩位朋友又處理完所有有關上廣州嘅連串事宜後，就齊齊由太子行去深水埗。以當時嘅我哋好有恆心行過去，沿路上仲了解左好多嘢，然後就唔經唔覺到咗西九龍中心。
行到後，大家都互問想食啲咩，果然一如以往，都係話無乜所謂，以正當講完依句之後，有位朋友靈機一觸建議話上美食廣場，食芭堤雅。以大家一聽芭堤雅亦知道係食泰國菜嘅，就係咁我同另一位朋友都異口同聲話好，就食呢間啦！
呢個飯除咗送酸辣辣嘅汁之外，仲有一包嘢飲添，成個套餐都只不過係30幾以內，所以都唔錯㗎
我朋友話嗰個汁，係辣得好好食，酸酸辣辣會特別開胃，加上天時咁熱一於就聽從朋友食呢間～
飲品係百果園柑桔檸檬
我叫咗豬手飯，另外一個朋友就叫咗海南雞飯
呢位朋友，就叫咗個40幾蚊嘅飯，睇上去好吸引，連嘢飲都有升級到添
其實美食廣場除咗有芭堤雅之外，仲有其他都好好食嘅餐廳，啲食客都食到津津有味，加上有學生，又有啱啱放工嘅人都過嚟食，有電視睇，可以話依度係一個可以好好享用美食嘅地方。