Loading...

檢舉

Free Guider 會盡快跟進你的個案
:

海洋公園同樂日

發佈於 外出及旅遊 @2018年11月29日   |   人氣博客 :   |   0 個留言

我最期待的海洋公園終於去喇!碰巧星期日是海洋公園同樂日,亦是國際復康日,各位輪友就最開心這天,有得免費入場,星期日嘅海洋公園真係人山人海,看來大家都把握放假的日子嚟海洋公園鬆一鬆。

唔知係唔係自從海洋公園有左地鐵站後,輪友去真係方便左,多左人放假選擇去海洋公園。而當日我地五個人齊齊去,全因有免費門票,排隊時都巧遇輪友,看見唔少熟悉的面孔,不過當時我帶住副眼鏡,佢哋未必認得我。再講星期日的天氣,真係幾唔錯,出太陽,可為天公做美,原本以為會下雨,最後天朗氣清,仲有D熱呢!

完左影相的環節,時間過得好快,話咁快到左12:00,我哋終於集合埋一齊,出發去塔海洋列車,上山去拎我咃嘅飯盒。而飯票就寫上:粟米雞粒飯,去到仲送上生果;一隻梨,加一盒陽光檸檬茶。我哋班後生仔一食完飯,食飽飽保充完體力,就諗住玩機動遊戲。第一個仲要玩海盜船,不過喺未玩前,已經有小插曲。就係早過我哋玩的一批人,玩到嘔,真係勁嘔心,當下我當場目擊他嘔的一刻,嚇到我眼定定。未幾就有位職員話剛才有遊客玩完唔舒服,所以需要暫停一小時清理。回過神來,我想玩的心情已經消失,咁唯有等到夜晚再玩。

好彩我玩完過山車,之後咩事都無發生,順順利利。接著去左玩攤位遊戲,玩攤位遊戲講到底都係求開心,我哋玩左要講求氣力的拋籃球和講求運氣的遊戲。在未天黑前,更玩上飛天鞦韆,升起那刻好自在,不過落地後感覺頭暈暈,因貧血的關係,一直好唔舒服,最後決定去休息,改睇企鵝館。

朋友們入夜後,再一次玩海盜船,完成下午未完成的事。有位朋友覺得好玩,結果連續玩左兩三次。而我只係玩左一次,就決定自己靜靜地睇佢玩。

我哋去到海洋公園就第一時間去左洗手間,亦因為有位朋友遲到,所以需要各自分批活動,仲預定到12:00左右再會合,於是大家分道揚鑣。

我同另外兩位朋友就去左海洋館;進入海洋奇觀,由排隊到入去總共用左1小時。而海洋生物都好合作,都能夠比我張張相捕捉到神態,總算有交代。
而我最愛的海洋生物就係閃閃發光的水母,仲有其他的海馬、金魚、海豚同鯊魚等等。
我同另外兩位朋友就去左海洋館;進入海洋奇觀,由排隊到入去總共用左1小時。而海洋生物都好合作,都能夠比我張張相捕捉到神態,總算有交代。
而我最愛的海洋生物就係閃閃發光的水母,仲有其他的海馬、金魚、海豚同鯊魚等等。

未入企鵝館前己經感到寒意,場內仲幾凍吓,職員都穿上厚厚的衣服,真係辛苦你哋~

 

見到一班企鵝為食相,睇得好開心,即使一看再看都百看不厭。

唔止睇企鵝,睇動物唔少得睇埋熊貓。

今次睇熊貓好順利,一見到佢肥嘟嘟的身影,就知佢已經坐定定比人影緊相,真係好乖哦~ 既然有咁多fans,佢都一於合作比大家用手機同相機將佢影到至靚 ,當做吓明星咁。

入夜後,坐上海洋摩天塔,大家一邊休息一邊欣賞海洋公園的夜景。夜晚後的公園好光好亮,給白天不一樣的感覺。我地合照一幅,在摩天塔上留下美好的回憶。

歡樂的時光總係過得特別快,大家要開始解散。解散前,大家影了一張大合照。

再次感謝每位朋友都抽空出席,仲要玩得積極投入,與大家一起玩的時光唔會讓我忘記,片段刻劃在我的腦海裹,希望有緣再相聚。

0 個留言

* 留言條款及細則請參閱《FREE GUIDER 隱私權政策

:
: