有情有義　管接管送　 車友：陪佢到康復為止

熱愛汽車的阿華加入Honda Freed Club Hong Kong車會多年，經常以會友逸事二創鬼馬歌詞娛人娛已，一直是眾人眼中的幽默大師。一年前病魔悄然來襲，阿華由幽默變得沉默，幾近絕迹車會活動，但他待人真誠的性格早已換得真摯友誼，車會幾位老友得知阿華情況後，二話不說管接管送，鼓勵他積極面對病魔。

「用盡方法配合佢」

記者相約阿華在觀塘海濱花園受訪，忽然3輛同款七人車來到，其中一車司機下車開尾門準備放下輪椅，其餘兩車司機及乘客默契十足，下車跟上前準備，原來是安排行動不便的阿華下車。
華嫂眼中的悶男，4位車會老友卻異口同聲指是開心果，老友Henry指：「佢（阿華）好鍾意作詞，二次創作，我覺得佢係高登仔！」活躍的阿華在確診前3個月幾乎消失於車會活動，Henry指當時已見到阿華行路一拐一拐，「佢心情唔好，唔想見人」，拒絕與所有人見面，「佢非常抗拒我哋幫佢，即使WhatsApp問候，他都只回應一兩句，或者回一個emoji就算，唔想講太多」。
不過作為會友多年，眾人早已建立深厚友誼，阿華的推卻沒有令老友卻步，老友Joe毫不猶豫地說：「我哋只會用盡一切方法配合佢！」
幾位老友想也不想便跟華嫂說：「如果你車出車入麻煩嘅話，我哋可以幫手。」現每次阿華要到醫院覆診或做物理治療，車友都在群組通傳，誰有空便誰出動接載阿華，無條件為老友付出，更堅定地說：「會陪佢直到康復為止！」