林海峰孖傷殘藝術家楊小芳晒畫功

藝人林海峰（Jan）出席繪畫創作比賽活動，現場Jan與雙臂傷殘的藝術家楊小芳互相為對方畫肖像一展畫功。Jan表示之前在媒體活動上都見過小芳，但親睹她用腳畫畫是第一次，感到好震撼，所以不應浪費自己的任何可能性，尤其有完整的身體更不要浪費。

問到家中兩位女兒可有遺傳他的畫畫天份？Jan謂：「其實每個小朋友或者大人都有創作能力，只要給予鼓勵就可以做到平時唔會做嘅事。」問到最近太太彭羚可有鼓勵他做甚麼事？Jan謂：「太太喺屋企不嬲都係做鼓勵角色，叫大家向善，會發出一個光芒，就好似大埔個觀音像一樣，所以我好少去大埔，因為我喺床到揭起張被就己經安心晒。」

唔會逼囡囡參賽
至於會否鼓勵兩位女兒參加這次比賽？Jan笑言：「屋企只有個家傭聽我講，其他都係叫佢坐就企，叫佢企就坐，所以比賽嘅嘢等佢哋自己決定。」問到可有自畫過全家福？Jan表示：「細個時都有畫阿媽，兩個女都有畫過，都儲埋喺一本畫簿入面。依家畫仲簡單，一部電話就可以lock住佢哋唔郁，可能六個鐘畫完仲瞓埋覺，佢哋都冇郁過。」