【卓悅口罩】免市民排隊之苦，卓悅公佈以手機 App 取籌買口罩！

排隊買口罩排隊買口罩排隊買口罩，唔覺唔覺已經成為咗香港人日常。辛辛苦苦排咗幾個鐘隊，甚至係排通宵就一定買到？少年你太樂觀了。所以，為咗唔洗大家咁辛苦排隊，而家越來越多店鋪推出用手機 App 派籌服務。繼日本城、莎莎後，今日連卓悅亦都跟機了。

卓悅剛於其官方 Facebook 上宣佈，今日將有少量「理的」口罩發售，今次會嘗試用 App 去派籌俾大家，而佢地所用嘅 App 同 日本城、莎莎 等一樣，並不是其官方推出嘅 App，而係同 The Gulu 合作。

即是話，以後佢地有貨放出來派籌，可以用 The Gulu 呢個手機 App 來「排隊」攞咗個籌先，攞到先再去指定分店買。咁樣好處當然係方便咗大家唔洗親身去排隊，對一眾打工仔來講絕對係個大好消息。不過請大家留意，今次首批以 App 派籌嘅口罩，係「殘疾人士限定」，希望大家幫幫手唔好同有需要人士爭。而卓悅而家每日都有口罩或消毒用品貨返，所以大家得閒留意住個 App 有冇籌派就得。

以下為卓悅 Facebook Page 公告：
【2月12日 快閃殘疾人士限定！！】
急你所急、想你所想！

為方便你們的需要，前來店舖購買口罩，「卓悅 x The GULU」提供電子攞籌系統。方便你或你的親友及朋友協助到The GULU 攞籌及到卓悅取貨