果次朋友生日,就去左位於旺角既呢間柯南主題餐廳。
由於生日的朋友好鍾意動漫,當佢得知呢度有得打邊爐,就即刻衝去食。我見佢雙眼發光,真係好鐘意呢間嘅主題餐廳喎~
喺未入去之前已經見到好多年輕人嚟朝聖,好多食物香氣、煙都紛紛攻緊過嚟,真係好引人去食,難怪佢咁貴,但勝在吸引人的主題,好多年輕人就係咁聞「柯南」而來,而且邊爐又夠哂大,材料又新解,所以去食都係正確既決定。
果然真係不負我地所望,我地食既果個Set以壽喜燒做湯底,喺未打邊爐果時,佢鋪上白雪雪的一層綿花糖喺湯底既面上,呢個食法真係好特別,喺綿花糖仲未溶之前更有個年輕男待應服務好好,同我地講可以同佢打個卡再上料。直至打卡呢個指定動作做完後,我地即刻將佢分成三等份,齊齊將綿花糖放入口,佢亦隨即瞬間溶化左,果吓真係覺得幾滿足。
之後牛、豬、飲品、食物陸續有來,終於可以開餐,大家都食得津津有味。
驚喜地方係飲品會附送上「柯南」最新電影唔同角色的杯墊,而且杯飲品真係好符合「幻覺」呢個主題,只要加上檸檬,飲品隨即由藍變成紫色,變色期間彷彿真係有種「幻覺」既錯覺哦。
食哂所有嘢之後,當然唔能夠缺少甜品呢個重要元素啦! 講起呢杯雪糕,佢可以自己製作,你可以自己唧雪糕既外形,最後再加自己的創意,畫龍點睛灑上喜愛的食物裝飾,咁就大功告成喇!
呢杯係會變色 柯南既幻覺蜂蜜檸檬特飲
佢係同一杯嘢飲嚟,只係加左三片檸檬,幻覺就即時出現,係唔係覺得好神奇呢!
大家都明名偵探上身,都估到大概知道變色的重大秘密,最大關鍵就係呢片檸檬。
飲品利用酸性呢個化學反應令佢轉換顏色,呢個幻覺的確高明。
可以出去攞嘢食,我地真係好健康,拎左好多新鮮蔬菜,但係前面果個女士唔係我 (笑) :)
進食蔬菜能促進腸臟移動,幫助消化。重點唔想變成前面女士既身材呀 (哭) :(
食肉之餘不忘食蔬菜,咁先達至均衡飲食哦 !
如果輪友有興趣,就嚟呢個以年輕人集中地為主題既「柯南」啦 !