閱書分享(夏天都要打邊爐)

一本幾時都啱睇嘅開心繪本!!  今次小妹推介-夏天都要打邊爐 一書。

雖然宜家仲係春天，仲未到夏天，但係打邊爐咩天氣都打得，我覺得只要有冷氣就得啦！
我份人就冇乜所謂嘅，只要環境舒適，唔會太熱，啲人又唔太多，啱啱好，就夠晒數～
同埋打邊爐梗係要約三五知己食好西，打邊爐最緊要係食材新鮮，仲要有罐可樂飲吓，唔知點解我總覺得無冇咗罐可樂去打邊爐梗係會爭小小。
不過講返本書嘅重點並唔係夏天要打邊爐，呢個只不過係書名姐。
其實裏面有好多唔同嘅故事，都來自日常生活會發生嘅嘢，只不過有唔少都圍繞着打邊爐嘅趣事，同埋喺夏天最容易發生嘅嘢，包你睇完之後都會覺得好開心同埋好有同感。
 唔知你又最鍾意入邊邊一個嘅故事呢!