全城抗疫已經係事實，最近口罩缺貨個個人心惶惶，不過我屋企就好好彩，話說認識一位喺健康院工作既朋友，好耐之前比左一兩盒口罩我屋企人，所以今次突如其來既武漢肺炎，屋企都有口罩留用，不過就算有兩盒都會有用完既一日，需要添置新的以防需要，由於有一定需求，難免有好多人搶購。
不過其實又唔洗太過擔心，因為香港人始終都有理性，亦都守望相助，宜家坊間就有好多醫生提供一啲有用信息，讓各位參考，大家學似我咁都留意下，知多一點點，共渡時艱，祝各位身體健康，國泰民安!!
以下資訊就係由紅十字會提供既，有齊正確使用口罩方法和清潔雙手七大步驟流程
家居及環境衛生亦都有詳細說明，仲留有熱線電話方便市民查詢，相當體貼!
大家都要好好照顧身體，最近天氣凍，千萬唔好著涼，多多保暖，出街記得帶口罩，必要時用酒精清潔雙手，盡量避免到多人既地方，做齊以上就萬無一失，保障自己又保障其他人，希望早日抗疫成功，齊心就事成，重拾昔日既香港。