甚麼驅使你學外語?

近期我身邊朋友都紛紛去學外語，日語和韓語就最多人學，要重新學習一套新語言，真係好需要你對學習它的決心和熱愛程度。其實有時連自己既母語都未學得好，更何況學外語。

不過，多數人學外語，都係離不開這幾個原因。第一: 想增值自己的語文水平，第二:想去旅行，所以學幾句旁身，方便到外地與人溝通，最後則是訓練自我學習既能力。其實有好多人都可以學習一門新語言，但最後成功定失敗就要看你最後有沒有選擇堅持。

成功要把學習成為習慣，每件事都當成新事物學習，促進自己可以時刻接受挑戰，挑戰自我，遠離舒適區，係學習既源動力，不要浪費時間，把握機會。

講返學習外語，我朋友學日文，所以有段時期我都經常聽到日文，身邊既我都會受到影響，自己也不自覺學講了幾句日文。好奇怪，朋友話我有語言既天份，我當時都呆若木雞，不過相比英文，學日文真係好玩好多，同時日本文化又有趣呢!

日文上的讀、寫、聽、說都需要好長既時間學習。要不停做練習，先可以通過日文的考試，所以學習一個地方的語言都係一種專業。因為咁我都覺得學外語都係一件好重要的事，千萬唔好輕視，終有一日會派上用場。

其實宜家學外語真係有好多方法，上網免費學就最直接，如果唔係可以去圖書館借書又可以呀，方法都係自己發掘啦，而我就最直接有個方法，就係搵我的好朋友直接教我日文，簡單又快捷，仲可以以對話形式學習，簡直相得益彰，想口語訓練就可以用呢個方法。