提早拜山吃點心

3月17日星期日係我同親戚拜山的日子，有屋企人、伯伯、伯娘、叔叔、堂家姐一行人，共八人，齊齊去香港仔華人永遠墳場拜際先人。

當日，我一家人先約在樓下的電話亭等，大家一集合見面就已經馬上分工，將拜山需要的物資分好給每一個人，可以講每個人都有義務幫手拎拜山用的香燭冥鏹上山!

分工完畢，我哋都要出發喇!因為仲有其他人等待緊我地，話說仲要匯合叔叔，堂姐和弟弟。

而最先到步就係我哋，我哋非常準時，1:00已經到達金鐘站。大約等多十五分鐘叔叔也從觀塘來到金鐘站。現在只剩下堂姐，與此同時就收到她電話，她已經喺下面等緊我哋喇，跟住我哋都落樓下的南港島線會合，見到她嘅蹤影，我地就齊人上車坐到黃竹坑站，然後再轉38號巴士到最接近華人永遠墳場的站落車前往。

不過其實，喺未知呢度有車可以直接前往華人永遠墳場嘅時候，發生左一件小插曲。就係爸爸同車長講此車係唔係可以前往漁市場，當時爸爸問錯了問題，結果大家早左一個站下車，要走了一程冤枉路，其後堂家姐的一句不過人總要經過一次教訓，下次先會學識問啱問題，之後覺得問司機問題時方向要正確，應該直接講我哋要去的目的地「華人永遠墳場」。今次錯有錯着，當係比自己教訓，下次就唔會再重複。

雖然最終花上比原本較多嘅時間，不過最終大家都係到達目的地，能夠順利完成拜祭，直到四點鐘，全部人都離開。

離開了華人永遠墳場範圍後，我們乘坐8號車往返香港仔然後去到了一間名為點心店，食點心。