說開黃埔的公園，今次唔講最多人知的和黃公園，而係想介紹鄰近紅磡海逸豪園及黃埔花園的大環山公園。
想去大環山公園其實並唔難，大家只需要經由港鐵黃埔站A出口，去到紅磡的環海街，就會率先見到
大環山游泳池，再向前走入就會見到大環山公園喇~
當中住喺鄰近的居民最讓我羨慕，只要好天氣落街，到近海的長廊就能夠感受到涼風，唔怕又熱又焗的天氣，遠處仲望到啟德遊輪碼頭呢!加上長廊好貼心喺附近有部飲水機，就算口渴又唔夠水都有得補充水份。公園亦都有足球場、游泳池，想要有動態同靜態的活動都可以!
由康樂及文化事務署管理的公園，有保安駐守好安全，環境又會打理得乾淨。
有景再配上陽光，心情自然好!
遠處望到啟德遊輪碼頭@@
無水，有飲水機
熱愛做運動，又想出一身汗，有籃球場
同埋公園最常見的遊樂場都有，當然唔少得有洗手間，方便大家。
大家有空閒除左去和黃公園都可以揀去大環山公園架!!