今次去位於柴灣港鐵站A 出口的青年廣場,沿天橋直行,行走大約3分鐘就見到有一棟好明顯寫有青年廣場的大樓。
輪椅朋友只要沿住斜道跟從沿路的指示,相信你好快就會經過見到升降機。
所以話上上落落都好方便架!
仲有我順帶話埋比你地知,其實之所以今次特意黎依度,係因為有位朋友講過依個地方,話我知依度定期有特別的活動舉辦,加上商舖食肆又幾好環境。
所以今次我先決定要去一次青年廣場探索一下。探吓路之餘,發掘下到底有咩新奇特別的地方。
先係塔升降機留意下整個青年廣場大約有咩行。
跟住我留意到四樓,好似有餐廳,所以我就好奇之下去探個究竟~
唔知環境係點啲呢!
誰知一上到四樓,就發現有三間餐廳。
而且仲發現,除左比人享用美食以外,原來依度有提供埋包場服務。
大家都見到依塊牌,都有簡介番活動的場地可以提供到比不同大型的活動。包括到會服務、同關心埋不同團體聚會,以及人數的需要,而且更有提供埋場地比你作大大小小的活動。
眼見依度提供到好用的埸地,而且又夠大,可以容納到咁多人,約一大班人食吓吹水,多寫意。無諗過原來依度咁好,不枉我到此一遊,終於都可以介紹比身邊的朋友知,而且都比你地知道吓青年廣場四樓埋藏左一個咁好進食環境的地方! 真係好興幸如果我唔係剛好經過都唔知原來依度有咁好的場地比一班人消遣。
夜晚做到10:00,不妨有時間可以去睇睇! 食吓
有斜道上上落落互通三間食肆,輪椅的朋友仔都不妨可以約埋班親朋好友,三五知己一同聚守一堂。
倘若試完幾好的就分享比身邊的朋友知道吓啦!